Avannaata Kommuniani Kommunalbestyrelsi aalajangerpoq marlunngorneq novembarip 26-ani 2024-mi kommunip avinneqaratsarsinnaanera pillugu siunnerfiliisumik innuttaasunik taasititsineq ingerlanneqassasoq.
Innuttaasunik taasititsineq ulloq novembarip 26-ani ingerlanneqartussaq, siunnerfiliisuuginnarpoq kisianni suli pingaaruteqaqaaq.
Avannaata Kommunia nammineerluni aalajangersinnaanngilaa kommuni avinneqassanersoq imaluunniit qanoq avinneqassanersoq – Inatsisartut kisimik Kalaallit Nunaanni kommunit aaqqissugaaneri allanngortinnissaanut aalajangiisinnaatitaapput.
Kommunalbestyrelsimiit siunnerfiliisumik taasititsinerup ingerlanneqarnissaa aalajangiunneqarmalli ulloq 12. juni 2024, Qaanaami, Upernavimmi, Uummannami aamma Ilulissani innuttaasunik ataatsimiisitsinerit ingerlanneqarnikuupput.
Borgmesteri innuttaasunut ataatsimiisitsinerni saqqummiisarpoq, taakkunanilu najukkami kommunalbestyrelsimi ilaasortat illoqarfinni ataasiakkaani peqataasarlutik.
Nunaqarfinni aqutsisut Avannaata Kommunia avinneqaratarsinnaanera pillugu oqaloqatigineqarnissaminnut aamma qaaqquneqarnikuupput.
Avannaata Kommunia avinneqassappat, taava suut kinguneqaataassappat? Annertunerusumik paasisaqarusukkuit uani atuarit
Pisup ingerlanera ukunani atuarsinnaavat:
- Kommunalbestyrelsen behandler sagen om kommunedeling på ordinært møde d. 12. juni 2024. Imaqarniliaq KOM 050
- Kommunalbestyrelsi aalajangernikuuvoq Avannaata Kommunia aggulunneqartariaqartoq 10. juli 2024
- Innuttaasunik ataatsimiisitsineq ornigarluarneqartoq 25. oktober 2024-mi ingerlanneqarpoq
- Avannaata Kommunia avinneqassappat, taava suut kinguneqaataassappat? – Uummannami 5. oktober 2024-mi innuttaasunik ataatsimiisitsineq
- Innuttaasunik ataatsimiisitsinerit Upernavimmi septembarip 4-ni aamma Ilulissani oktobarip 31-ani ingerlanneqarput.
Medier:
Qaanaami innuttaasut quliugaangata ataaseq kommunip avinneqarnissaa pillugu eqqartuisarpoq
KNR: Nunatta avannarpasinnerpaartaani kommunimi kommunip avinneqarnissaanut siunnersuut kommunalbestyrelsimit isumagineqarsinnaaniassammat borgmesterip Namminersorlutik Oqartussat qinigaaffiup ukiumik ataatsimik sivitsorneqarnissaanik qinnuteqaateqarfigisussanngorpai
Kommuni innuttaasunik taasititsissaaq
