Ikaarsaariarnermut ataatsimiittitaliaq Avannarleq aalajangerpoq, ulloq 1.januar 2018 aallarnerlugu kommunip taaguutigilissangaa Avannaata Kommunia.
Akissarsiassat
Amerlaqaat taaguutinik siunnersuuteqarsimasut toqqarneqartumut eqqaanartumik. Taaguulli eqqoqqinnaarlugu ajugaasutut allassimasoq, unammisitsinermi ajugaavoq.
Kommune 1/avannarlermut ilisarnaatissamut ajugaasoq kr.15.000.-ninnassaaq. Kommunissamut avannarlermut siunnersuusiortut amerlangaarmata, unammisitsinermi akissarsiassat Aningaasaqarnermut ataatsimiittitaliamiit qaffannissaat aalajangiunneqarpoq, ajugaasut tamarmik kr.3.000.-nik pinnattussanngortillugit kr.1.071.-nisinatik (15.000/14). Ajugaasunut tamanut pilluaqqusivugut.
Unammisitsinermi ajugaasut
K1 - Qaasuitsoq Avannarleq – Kommunip ilisarnaataa
1. Marie Dorph, Ilulissat
K1 - Qaasuitsoq Avannarleq – Taaguut – [Avannaata Kommunia]
1. Avigiaq Petersen, Qaanaaq
2. Leo Duneq, Qaanaaq
3. Panigpak Miteq, Qaanaaq
4. Qillaq Jerimiassen, Qeqertat (Qaanaaq)
5. Sequssuna Duneq, Qeqertat (Qaanaaq)
6. Kirsten Sakariassen, Tasiusaq (Upernavik)
7. Ludvig Knudsen, Kangersuatsiaq (Upernavik)
8. Jakobine Markussen, Uummannaq
9. Hans II Petersen, Ukkusissat (Uummannaq)
10. AMS 1.b 2016/17, Ilulissat
11. Hanne Holm Andersen, Ilulissat
12. Makkannguaq Berthelsen, Ilulissat
13. Marie Dorph, Ilulissat
14. Nuka Hansen, Ilulissat
Ajugaasut Qaasuitsup Kommunia-niik allagarsiumaarput.
Siunnersuuterpassuit
Qaasuitsoq Avannarlermiit nassiunneqarsimapput siunnersuutit 261-it: 113-nit kommunip ilisarnaataatut taaguutissamullu siunnersuutit 148-t.
Qaasuitsup Kommuniata kusanartunik pitsaasunillu siunnersuuteqarsimasorpassuit tamaasa qutsavigai.
_________________________________________________
Kommunip taaguutissaa aamma ilisarnaatissaa oqalugiaataassaaq
Tamassi ullorsiornitsinni pilluaritsi.
Ataatsimoorneq susassareqatigiinneq tassaapput inuiattut nukittoqqutigut pingaarnerpaat, ulluni kingullerni pisut takutippaat qanoq pisariaqartiginersut.
Ikaarsaariarnermut ataatsimiititaliamiit pissusissamisoortissimavarput Kommunissatta nutaap atissaanik ilisarnaatissaanillu toqqaaneq Inuiattut ullorsiornerpoq eqqorlugu ingerlatissallutigu.
Kommunip nutaap atissaanik ilisarnaatissaanillu unammisitsineq upernariartornerani ingerlanneqarpoq.
Unammisitsinermilu imatut piumasaqaasersortoqarpoq :
Taaguutissaq kommunemi nunap immikkoortuani pinngortitap nunallu pissusiinut aammalu oqaluttuarisaanikkut kulturikkullu taasassartaanut attuumassuteqassaaq, taajuminartuulluni kommunellu avammut takutinneqarneranut iluaqutaasinnaassalluni.
Ilisarnaatissaq pillugu Ilisarnaat paasiuminartuussaaq ilisariuminartumillu assiliartaqassalluni, ikinnerpaanillu qalipaasersugaassalluni, makku qalipaatit* arlaat atorneqassapput aappaluttoq, tungujortoq, qernertoq, qorsuk, kajortoq kiisalu qaqortoq.
Peqataasinnaanermut piumasaqaatit imaapput :
Peqataasinnaassaguit kommunimi nutaami pineqartumi najugaqassaatit
Kommune piginnittussanngussaaq ajugaasup siunnersuutaa
atulerniariaruniuk.
Siunnersuutinik tunniussinissaq kingulleq pivoq 1. maj 2017
Siunnersuutit amerlasoorpassuit tinguneqarnikuupput, siunnersuutit 261-it, ilisarnaatissaanut siunnersuutit 113-it, kommunillu atissaanut 148.ut.
Kommunip atissaanik ilisarnaatissaanillu inassuteqaasiortitanik pilersitsinissaq Ikaarsaariarnermut ataatsimiititaliap inissititerluni ataatsimiinnerani aalajangiunneqarpoq. Ikaarsaariarnermut ataatsimiititaliap aalajangernera imaappoq: partiit tamarmik immikkut inassuteqaasiortussaatitami ataatsimik ilaasortassaminnik toqqaassasut.
Inassuteqaasiortussaatitat kingullermik inassuteqaasiorniarlutik ataatsimiinerminni aalajangerput kommunissatta atissaanik ataatsimik inassusiorniarlutik aamma kommunissap ilisarnaatissaatut siunnersuutinik marlunnik aningaasaqarnermut ataatsimiititaliamut inassuteqarniarlutik.
Inassuteqaatit tunngavigalugit Aningaasaqarnermut ataatsimiititaliaq aamma Ikaarsaariarnermut ataatsimiititaliaq imatut toqqaapput :
Kommunip atissaa:
Ikaarsaariarnermut ataatsimiititaliap tamarmiulluni kommunip nutaassap atissaa 1. januar 2018-mi atuutilertussaq toqqarpaat tassaassasoq ” Avannaata Kommunia ” Maluginiarneqassaaq atissaani Kommunia ”i”-mik toornilimmik allanneqarmat, tamannalu Oqaasileriffimmiit tunngavilersuinerit malillugit aaqqinneqarsimalluni.
Siunnersuuteqartuniit 148-suniit 14-it siunnersuutaat Avannaata Kommunia toqqarneqarpoq, taakkualu tamarmik Kr. 3000,- nik akissarsitinneqassapput.
1. Avigiaq Petersen, Qaanaaq
2. Leo Duneq, Qaanaaq
3. Panigpak Miteq, Qaanaaq
4. Qillaq Jerimiassen, Qeqertat (Qaanaaq)
5. Sequssuna Duneq, Qeqertat (Qaanaaq)
6. Kirsten Sakariassen, Tasiusaq (Upernavik)
7. Ludvig Knudsen, Kangersuatsiaq (Upernavik)
8. Jakobine Markussen, Uummannaq
9. Hans II Petersen, Ukkusissat (Uummannaq)
10. AMS 1.b 2016/17, Ilulissat
11. Hanne Holm Andersen, Ilulissat
12. Makkannguaq Berthelsen, Ilulissat
13. Marie Dorph, Ilulissat
14. Nuka Hansen, Ilulissat
Taavalu Kommunip ilisarnaatissaanut tunngasoq.
Tinguneqarsimapput siunnersuutit 113-nit kommunip ilisarnaataanut, Ikarsaariarnermullu ataatsimiititaliap toqqarpaa imatut tunngavilersuusersorluni siunnersuut tinguneqarsimasoq.
Kommunip ilisarnaatissaanut tunngavilersuutit.
Ulloriaq:
Kumuuni ataaseq kateriffiusoq, innuttaminik assigiimmik atungassaqartitsisoq.
Ullorissap kajortumik qalipaasernera: Kommunissaq ersarissumik anguniagaqarluni inissisimasoq.
Tungujortumik tunuliaqutsinneranut pissutaavoq silaannarput isorartooq ataasiusoq ersersinniarakku.
Qimmit sisamat qaqortumik tunuliaqutseqqasut:
Illoqarfiit sisamat qimmeqarfiusut sikusartumiittullu (qaqortoq). Qimmiutinnerinut pissutaavoq qimmeq tassaammat kommunissatsinni uumasuummat kulturitsinnut ilaalluinnartuusoq taassumalu eriagisassaanera pingaartikkakku.
Qimmit portuliartortumik inissisimanerannut pissutaavoq illoqarfiit pineqartut avannaata sineriassuani inissisimanerattut inissikkusukkakkit. (Geografisk placering). Qimmit tamarmik amerlaqatigiiaarlutik qeqqata tungaanut imminnut samminerat illoqarfiit suleqatigiinnissaanik isumaqartippara.
Qaleralik tungujortumik tunuliaqutilik:
Qaleralik kommunissatta imartarujussuaniitoq tassaavoq illoqarfinni nunaqarfiinilu inuussutissarsiornikkut pingaarutilerujussuaq. Tungujortumik tunuliaqutserneranut pissutaavoq immartarujussuarput ersersinniarakku.
Qalerallip ilisarnaammi allinngorlugu ersarissumik inissinneranut pissutaatippara kumuunissatsinni aningasaqarnikkut inuuniarnikkullu qaleralik tunngavileeqataammat nammaqataalluinnarlunilu taamaattumillu pingaaruteqarluinnartuulluni.
Kommunip ilisarnaataanut siunnersuuteqartoq tassaavoq
1. Marie Dorph, Ilulissat
Ilisarnaatissamut siunnersuuteqartoq kr. 15.000,- nik akissarsissaaq.
Marie Dorph maannarlutit ilisarnaat takutinneqarneranut peqataajartorit.
Tassa massakkut ullup ingerlanissa malillugu ingerlaqqissaagut, tamassi maani najuuttusi innuttaasullu tamassi Ikaarsaariarnermut ataatsimiititaliaq sinnerlugu ullorsiornitsinni pilluaqquassi ullorlu atorluarniarisiuk.
Inussiarnersumik inuulluaqqusilluga
Palle Jerimiassen
Ikaarsaariarnermi ataatsimiititaliami siulittaasoq
