Avannaata Kommuniani Kommunalbestyrelsep, 14. marts 2018 immikkut ittumik ataatsimiinnermini aalajangerpaa, Avannaata Kommuniani Ataatsimiititaliat ataavartut aammalu tamatuma malittaatut Ingerlatsiviit taaguutai nutarterneqarlutik allannguuteqassasut aammalu akisussaaffiit ilaat ataatsimiititaliat/ingerlatsiviit akornanni nikisinneqassasut.
Taaguutit nutaat akisussaaffeqarfiillu akuersissutigineqarlutik atuutilertut makkuupput:
• Aningaasaqarnermut Ataatsimiititaliaq – Siulittaasoq, Palle Jerimiassen
o Aqutsisut allattoqarfiat – Akisussaasoq, Pisortaaneq Sivso Dorph
• Oqartussaaqataanermut Ataatsimiititaliaq – Siulittaasoq, Jens Imanuelsen
o Ataatsimoorussanik sullissinermut Ingerlatsivik – Akisussaasoq, Pisortaq Bea Mølgaard Lennert
• Ilaqutareeqarnermut Ataatsimiititaliaq – Siulittaasoq, Ane Lone Bagger
o Ilaqutareeqarnermut Ingerlatsivik – Pisortaq Ane Louise Løvstrøm
• Peroriartortitsinermut Ataatsimiititaliaq – Siulittaasoq, Apollo Mathiassen
o Peroriartortitsinermut Ingerlatsivik – Akisussaasoq, PIsortaq Hans Eriksen
• Inuussutissarsiornermut Ataatsimiititaliaq – Siulittaasoq, Jørgen Kristensen
o Inuussutissarsiornermut Ingerlatsivik – Akisussaasoq, Pisortaq Hans Peter Lennert
• Teknikkimut Ataatsimiititaliaq – Siulittaasoq, Sakio Fleischer
o Teknikkikkut Ingerlatsivik – Akisussaasoq, Pisortaq Nick Nielsen
Ilanngullugu aamma nassiuppara Kommunalbestyrelsep aaqqissuussaaneq aamma aqutsinermut ileqqoreqqusaa akuerisat, tassani Ataatsimiititaliat Ingerlatsiviillu akisussaaffii ersarissarneqarmata. Taamaattorli maluniaqqussavara ileqqoreqqusami aappaluttumik allannillit taakkuummata akisussaaffiit nuutinneqartut, aammalu tungujortumik allannillit taakkuullutik ileqqoreqqusap saqqummiunneqarnerani susassaqarfimmut eqqortumut nuutinneqarsimanissaat eqqumaffiginngitsoorsimasagut, aaqqitassat. Akisussaaffinnik allannguinernik atuutilersitsinerit maanna ingerlanneqarput.
Inussiarnersumik inuulluaqqusillunga
Bea Mølgaard Lennert
Aqunneqarneranut_ileqqoreqqusaq_kal.pdf
struktur.pdf
