Ilulissani ukiuni arlaqalersuni sanaartornerup annertusiartornera atuussimavoq. Allatut oqaatigalugu, illoqarfimmi nunaminertat atornissaat pilerngussutaavoq.
ย
Ilulissani nunaminertat sanaartorfiunikuunngitsut sumiiffinni arlaqartuniittut sanaartorfiulernikuupput taamaalillunilu nunaminertat sanaartorfiunngitsut aamma qimmiliveqarfiit atorneqanngitsut ujartorniarnerat ajornakusuulersimalluni. Immikkoortunik sanaartorfiusunik aamma nunaminertanik sanaartorfiunngitsunik ilaqartillugu illoqarfiup tamakkiisumik isigaluni illoqarfittut pilersaarusiornissaa taamaalilluni allanngoriartorpoq.
ย
Tamatuma ilutigisaanik qimmiliviit, sanaartornermik suliniutinut ilanngunneqarsimasut taartissaannik inissanik nutaanik nassaarniarneq ajornarnerulersimavoq. Tamatuma kingunerivaa, kalaallit qimmianut atugassarititaasut ajornerujartornerat. Qimmilivinnik atorneqanngitsunik ataasiakkaanik nassaartoqarsinnaasimavoq kisianni tamatuma suliassaq tamakkerlugu aaqqiiviginngilaa.
ย
Ilulissat kujataatungaata ilaanut, illoqarfik Unesco-p nunaminertatut mianerisassiaanut killeqarfeqarpoq kangiatungaanilu qimmiliveqarfioreersumi, qimmilivinnik amerlanerusunik inissiinissaq ajornakusoorpoq, tassa nuna tamaaniittoq masarluummat aqqusineqarnanilu, taamatuttaaq imeqarfeqarfimmut illoqarfik killeqarfeqarluni.
ย
Teknikkikut ataatsimiititaliaq taamaattumik ulloq 17. marts 2018-imi aalajangiivoq, siunissami illoqarfimmi pioreersumi sanaartornernut angisuunut, aallaavittut isigalugu qimmiliviit ilanngunneqaqqissanngitsut aamma qimmiliviit inissisimaffissaannut ataavartumik aaqqiissutissamik nassaartoqartariaqassasoq, tamatuma kingunerissagunarpaa qimmilivittut atuisoqalernissaa sioqqullugu immikkoortumik imaarsaaqqaarnissaq.