Avannaata Kommuniata matumuuna Konrad Chemnitzip Aqqusernata qanittuani nunaminertami inuussutissarsiutinut atugassiami 1200-B7-imi allilerinissaq siunertaralugu suliniuteqarnissamut qinnuteqaammik tigusaqarsimalluni nalunaaruigissavaa.
Tamatuminnga nalunaartussaatitaanermut piffissaritinneqartoq ulloq 02.05.2019 aallarnerfigalugu ulloq 14.06.2019 ilanngullugu ingerlanneqarpoq
Teknikkikkut ataatsimiititaliap Ilulissani nunaminertami inuussutissarsiutinut atugassiami B7-imi allilerinissamik siunertaqarluni suliniuteqarnissaq tapersersussallugu aalajangiussimavaa. Pilersaarusiornissamut toqqammavissat allannguuteqarfigitinnagit, suliniuteqarnissamut siunnersuut avammut nalunaarutigineqarpoq.
Tamanut avammut nalunaaruteqarneq tamanna Inatsisartut inatsisaat nr. 34 ulloq 9. december 2015-imeersoq naapertorlugu suliarineqarpoq, taanna naapertorlugu Kommunalbestyrelse nunaminertap qanoq atorneqarnissaanut nalunaaruteqarnissaminut periarfissaqarpoq, tamatumunnga pilersaarusiornissamut toqqammaviit suliarineqannginneranni.
Suliniut makkuninnga ilaqarpoq
KJ Greenland maannakkut suliffeqarfiutimik inissisimaffiata allilerneqarnissaanik qinnuteqarpoq. Beton-ngimik sanaartukkanut atortuutinut ilioqqaavittut allilerineq atorneqassaaq, Ilulissani massakkut sanaartorneqartunut amerlasuunut atugassaasunut. Tamatuma inissinneqarnera nunaminertami maannakkut suliaasunut ilassutitut inissimassaaq aammalu maannakkut kuitsiveqarfimmut piusumut ataqatigiissitsinerussalluni. Nunaminertami pineqartumi illorsualiortoqassaaq atortuutinullu inissiiviliortoqassalluni taakkulu ungaluneqarsimassapput, avatangiiserisanut takussunaataaqqunagit. Suliniuttaaq qimmilivinnik tamatuminnga kalluarneqartussanik nuussinissamik aamma ilaqarpoq.
Suliniuteqarfissatut allat periarfissaasinnaasut
Nalunaarutiginninnerup nalaani illit innuttaasutut aamma inuussutissarsiuteqartutut immikkoortortap ilaanut suliniuteqarnissamut allatut ittumik siunnersuummik nassiussaqarsinnaavutit soorlu aamma nalunaarutitut saqqummiunneqartumut aamma oqaaseqaateqarsinnaasutit.
Allatut ittunik suliniutissatut siunnersuutinut piumasaqaatit naapertorlugit nunaminertamik atuineq siunertaqassaaq pineqartut inuussutissarsiutinut siunertanut atorneqassasut aammalu nunaminertat pineqartut assersorneqassasut avataaniit ilummut isikkiveerullugit ungalusalionikkut imaluunniit sanaartukkat qalliutaasa avatangiisinut avaanngunanngitsut atornerisigut.
Suliniuteqarnisamut siunnersuutaasinnaasut allat makkuninnga imaqassapput
1. Sanaartorfissap inissiffianut, isikkuanut aamma sanaartornermi atortunut nassuiaasumik titartarlugu siunnersuuut.
2. Atorneqarnissaanut paasissutissat
3. Teknikkikkut atortunut paasissutissat.
4. Aningaasaqarnikkut paasissutissat qinnutigineqartup pivisunngortinnissaanut uppernarsaasuusut.
Piffisamut- aamma suliaqarnissanut pilersaarutit
Ulloq 02.05.2019: nal. 12:00 allanik siunnersuutinik nassiussisoqarsinnaavoq oqaaseqaatinillu allanik.
Ulloq 14.06.2019: nal. 16:00 pilersinniakkanut siunnersuutinik oqaaseqaatinillu tigooraaneq matussaaq.
Ilitsersuut
Siunnersorneqaqrneq aamma ilitsersorneqarneq Pilersaarusiornermut immikkoortortaqarfimmut saaffiginninnikkut pissarsiarineqarsinnaapput oqarasuaat: 701800 imaluunniit qarasaasiakkut allalluni uunga: plania@avannaata.gl
Qinnuteqaat kommunip nittartagaani uani takuneqarsinnaavoq www.avannaata.gl.
