Ulloq 17. juni 2017 Nuugaatsiami tassaarsuaqarnera aallaavigalugu Naalakkersuisut siulittaasuat, Kim Kiel-sen, taamanikkut Ikaarsaariarnermut Ataatsimiititaliami siulittaasuusoq massakkullu Avannaata Kommuni-ani borgmesteriusoq, Palle Jerimiassen allanik peqateqarlutik ajunaarnersuarmik eqqugaasunut ornigullu-tik ataatsimiisitsinerit Uummannami Aasiannilu arlaleriarlutik ingerlattarpaat, kiisalu Aalisarnermut Piniar-nermullu Naalakkersuisuusoq, Karl Kristian Kruse, Qaasuitsup Kommuniani Borgmesteriusoq, Ole Dorph aamma Aasianni ataatsimiisitsinermi aamma peqataallutik.
Aalisartut piniartullu
Ataatsimiisitsinerni ersarissumik oqariartuutigineqarpoq Inuussutissarsiutigalugu aalisartut piniartullu pini-utinik angallatinillu annaasaqarsimasut inuussutissarsiumminnik piaartumik aallartisaqqinneqarnissaat siunertaralugu suliniarneq aallartinneqassasoq.
Tamanna tunngavigalugu Nuugaatsiami illorsuarnilu inuussutissarsiutigalugu aalisartut piniartullu angallati-tigut atortutigullu ikiorsiivigineqarnissaat siunertaralugu suliniarneq aallarnisarneqarpoq.
Aalisarluni inuussutissarsioqqissinnaalernermut atortut toqqammaviliisut qulakkeerniarlugit aalisarnermut attuumassuteqartut aammalu ilisimasaqartut qanimut suleqatigalugit atortut suut ikiorsiinermi sinaakku-siunneqassasut nalunaarsorneqarput. Sinaakkutillu taakku aallaavigalugit inuussutissarsiutigalugu aali-sartut piniartullu piaartumik imminnut pilersuleqqissinnaanerat siunertaralugu atortut ikiorsiissutitut pisia-riortorneqarput. Ukiakkullu august september angallatit atortullu inussaannut tunniussuunneqarlutik.
Ukiukkut aalisarnermut atortut eqqarsaatigalugit qamuteralaat annaaneqarsimasutut nalunaarsorsimasut aallaavigalugit pisiariortorneqarput, aammalu qamutit, atuisut qanimut suleqatigalugit ilusilersorneqartut, aalisarnermi atorneqartartut sanaartorlugit annaasaqarsimasunut agguaanneqarput.
Inissiigallarneq
Inissiigallarnermut atatillugu avannaani illut pigineqartut aammalu iserterfigineqariaannaat nalunaars-orneqarput. Tassanilu inoqutigiit aallaavigalugit atortunik pequttanillu, Namminersorlutik Oqartussat inissi-igallarnermut atatillugu pisatsersuinermut sinaakkutaat aallaavigalugu, inoqutigiit inissikkallarfianni pisat-sersorneqarput.
Eqqugaasut initaartinneqarnissaannik suliniummut tunngatillugu Ineqarnermut, Attaveqarnermut Naalak-kersuisoqarfiup tungaaniit eqqugaasunik qanimut oqaloqateqaqattaarnikkut suliaq ingerlallugulu ata-qatigiissarnepoq. Uani kikkut illumik piginnittuunersut aammalu attartortuunersut nalunaarsorneqarnerat ingerlanneqarluni. Tamannalu aallaavigalugu illut eqqugaasunut sanaartorneqartussat pilersaarusi-orneqarlutik.
Aningaasaliineq
Ajunaarnersuarmut atatillugu Namminersorlutik Oqartussat immikkut 50 mio kr.-inik aningaasaliissuteqar-put. Ikiuiniarnermullu atatillugu Namminersorlutik Oqartussani Naalakkersuisoqarfiit attuumassutillit qanimut suleqatigilluinnarlugit aningaasartuutit aqunneqarlutillu nalunaarsorneqarput.
Ingerlariaqqinneq
Ulloq 22. marts 2018 aqutsisooqatigiit, Namminersorlutik Oqartussanit aammalu upalugaarsimanermut suliaqartunit kiisalu kommunimit ilaasortaatitaqartoq, Ilulissani ataatsimiinnerani killiffissiuisoqarpoq aammalu tassani aalisartunut piniartunullu ikiorsiinerit naammassisimalermata, Isumaginninnermi Inatsisi-nullu Atuutsitinermut Naalakkersuisoqarfimmiit oqariartuutigineqarpoq pisortanik ikiorsiisarnermi inatsit naapertorlugu eqqungaasimasut ikiorsersorneqarnerat, ulloq taanna killiffik aallaavigalugu, nutaamik aaqqissuussiffigineqassasut. Uani toqqammavigineqarluni eqqungaasimasut aalisarnikkut imminnut piler-sulereersimanerat aammalu naliginnaasumik inooriaaseq eqqungaasunit atorneqalereersimammat. Taamaalillunilu pisariaqartitsisunut pisortanit ikiorsiisarnermi maleruagassat naapertorlugit ikiorsiineq atuutsinneqalissasoq.
Ajunaarnersuaq toqqammavigalugu aqutsisoqatigiit 28. marts 2018 ingerlariaqqinnissamut siunnerfiliinerat naapertorlugu, Avannaata Kommuniata ukioq ataaseq sinnerlugu innuttaasunik ajunaarnersuarmik eqqungaasimasunik qanimut sullissisutut killiffimmik nalilersuereerluni ulloq 14. august 2018 nalilerpaa, Namminersorlutik Oqartussat ilitsersuusiaat naapertorlugu, ajunaarnersuarmik eqqungaasunik ikiorsiinis-samut periarfissat tamakkerlugit tunniunneqarsimalertut, taamaalillunilu aalajangerluni Namminersorlutik Oqartussaniit ilitsersuut naapertorlugu innuttaasut tamakkiisumik akiliussorneqarlutik ikiorsersorneqarlu-tik inisimatinneqarsimanerat qaammatinik marlunnik siumut ilisimatitsilluni unitsinneqassasoq, taamaalil-luni innuttaasut imminut pilersornermut ikaarsaartinneqalissasut, taamaattorli innuttaasut suli ikiorser-neqarnissaminnik pisariaqartitsisut Inunnik isumaginninnermut ikiorsiisarnermi maleruagassani periarfis-sarititaasut atorlugit saaffiginninnermikkut ikiorserneqartassasut. Taamaalillunilu innuttaasut siumoo-rtumik ilisimatinneqarlutik 1. oktober 2018, 1. novemberimulli kinguartinneqartumik inigisaminnut nam-mineerlutik akiliuteqartartussanngorput.
Naliliineq
Avannaata Kommuniata ajunaarnersuarmik eqqungaasunik sullissinermini Namminersorlutik Oqartussat qanimut suleqatigilluinnarlugit aammalu ilitsersuusiaat sinaakkusiunneqarsimasullu naapertorluinnarlugit sullissimanini nuannaarutigaa, iluatsilluarsimasutullu nalilerlugu.
Sulisut ajunaarnersuarmik eqqungaasunut sullissisimasut tamaasa suminngaanneraluarpataluunniit qutsavigaagut, pingaartumilli kommunip sulisui Uummannamiittut immikkut qujassuteqarfigerusullugit, taakkua pisumut tamanit sillimaffigineqarsimanngitsumut qasusuillutik aalajaallutillu ukioq ataaseq sinner-lugu sullissisimanerat kommunimut innuttaasunullumi isumalerujussuuvoq, taamaattumillu aamma pisoq una ajoraluaqisoq tamanit ilinniarfiusoq qularutissaanngilaq.
Taamaattumik aamma assorujussuaq ajuusaarnartuutippara ajunaarnersuarmi ikiorsiinernut tunngatillugu innuttaasunit ataasiakkaanit kommunip ajunaarnersuarmik eqqungaasunik ikiorsiinissamut periarfissat tamakkerlugit tunniunneqarsimalertut naliliinera aallaavigalugu naammagittaalliortoqarmat, Naalakkersui-sut siulittaasuata Kim Kielsenip Sermitsiami tallimanngorneq 3. maj 2019 saqqummersumi Avannaata Kommunia akisussaasutut inissimmagu, naak kommunimi sulisut sullissinertik, Namminersorlutik Oqartus-sat ilitsersuusiaat suliarineqarsimasut naapertorlugit ingerlakkaluaraat, aammalu tassa aningaasartuutaa-simasut tamarmik nunatta karsianit akilersorneqaraluartut, taamaalilluni ikiorsiinermi akisussaaffik Nam-minersorlutik Oqartussaniilluni. Taamaalillunilu aamma ajunaarnersuarmi eqqugaasunik ikiorsiinerit inger-lateqqinneqassappata akisussaaffik aalajangiinissarlu Namminersorlutik Oqartussaniilluni.