airplanebooksbriefcase business cogs cross election entertainment fish house law lockmedicalpeopleselfservices socialtax

Kommunip allaffeqarfiisa ammasarfii pillugit erseqqissaat

Avannaata Kommuniani kommunip allaffeqarfii tamarmik 2020-mi januaarip 1-ani nalunaaquttap akunnerinik aqqanilinnik sivisunerusumik ammasalerput. Erseqqissaatigineqassaaq kommunip allaffeqarfii ulluinnaat tamakkerlugit ammasarmata, naak Ilaqutareeqarnermut Ingerlatsivik pingasunngornikkut matoqqasaraluartoq.
29. maj 2020

Avannaata Kommuniani innuttaasut kommunimi najugaqarfinni tamani kommunip allaffeqarfiinut ulluinnaat tamakkerlugit 2020-mi januaarip 1-aniilli saaffiginnissinnaalernikuupput, tamatumanili Ilaqutareeqarnermut Ingerlatsivimmi isumaginninnikkut allaffissornermik suliaqartoqartarnera pissutigalugu ingerlatsivinni kisiartaalluni pingasunngornikkut matoqqasarpoq.

Kommunalbestyrelsimi ilaasortat tamarmiusut 2019-imi decembarimi ataatsimiinnerminni aalajangerpaat innuttaasut kissaataat malinneqassasut, taamaammallu kommunip allaffii ataasinngornermiit tallimanngornermut sivisunerusumik ammasalersinneqarput.

Kommunip allaffii siornatigut pingasunngornikkut matoqqasaraluarput aammalu ullaakkut quliniit ualikkut marlut tungaannut ammasarlutik, innuttaasunili tusarniaasoqareernerata kingorna ammasarfiit sivisunerulersinneqarput. Ammasarfiit taamaasillutik sapaatip akunneranut nalunaaquttap akunnerinit 16-iniit nalunaaquttap akunnerinut 27-nut sivitsorneqarput.

Ammasarfiit nutaat 2019-ip aallartilaarnerani Unnuk Kulturisiorfimmi innuttaasunut tusarniaassutigineqareernerisa kingorna pilersinneqarput. Ammasarfiit nutaat 2020-mi januaarip aallaqqaataani atuutilersinneqartut imapput:

Ataasinngorneq: 9.00-15.00
Marlunngorneq: 9.00-15.00

Pingasunngorneq: 9.00-12.00 (Ilaqutareeqarnermut Ingerlatsivik pingasunngornikkut matoqqasarpoq)
Sisamanngorneq: 9.00-15.00
Tallimanngorneq: 9.00-15.00

Ammasarfiit ornigulluni saaffiginnittunut aammalu oqarasuaatitigut saaffiginnittunut atuupput.

Allattoq: Kรกte Hansen, khan@avannaata.gl