Kommunimut pilersaarummut tapertaliussaq nr. 20 taamaammat immikkoortortamut 1600-D03 suliarineqarpoq iliveqarfittaassap periarfissinneqarnissaa pillugu, siunissaq ungasittoq eqqarsaatigalugu illoqarfiup pisariaqartitsinera matussuserneqassammat.
Kommunemut pilersaarummut tapiliussaq nr. 20 piffissami 25.06.2020-miit 20.08.2020-mut tamanatu tusarniutigineqarpoq.
Kommunimut pilersaarummut tapiliussaq nr. 20 uani alakkarneqarsinnaavoq: http://kommuneplania.avannaata.gl/download/kpt_1830_forslag/kpt_20_upv_d03_forslag.pdf
Kommunip pilersaarutaata tapiata siunertaa
Kommunip pilersaarutaanut tapertaliussap massuma siunertaraa, Upernavimmi iliveqarfissap tungaanut asiartarfissap inniminnerneqarnera.
Immikkoortortaq, iliveqarfimmut nutaamut sanaartorfissatut aalajangesaavigineqartoq, illoqarfiup kangiatungaata inissiaqarfittullu atuutsinneqartup killinganiippoq aammalu immikkoortortap mittarfeqarfittut atuuffeqartinneqartup killeqarfianiilluni. Immikkoortortaq sanaartorfigineqarsimanngilaq kiisalu immikkoortortap D01-ip asiatarfittut aalajangersaavigineqarsimasup ilagalugu. Immikkoortortaq aqqusinermut attaveqarfeqarpoq Telebakken-ip tungaagut.
Tusarniutaasumut akissutit kommunep nittartagaanut toqqaannartumik nassiussinnaavat uunga: http://kommuneplania.avannaata.gl/gl/tusarniaanermut/tusarniaanermut/ imalt. Mailikkut uunga: plania@avannaata.gl. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.
Tamaik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqassaaq.
Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 20.08.2020.
