- Avannaata Kommunia sanaartornermi pisortaqarfittut illunik nalunaarsuinermik allaffissortuuvoq, illuutillu normui B-normullu ersarissumut inissinneqarsimanngikkaangata taxaatileqatigiinnit naniuminaatsinneqarlutik ilaatigut saaffigineqartarpugut, Hans S. Abelsen, Avannaata Kommuniani sanaartornermut tunngasunik suliaqartartoq oqarpoq nangillunilu:
- Pingaartumik illuutinik ikuallattoqartillugu allatigulluunniit ajutoortoqartillugu annaassiniartartut sukkanerpaamik illuutinut apuussinnaanissaat pingaartuuvoq. Taamaammat illuutillit kajumissaarusuppagut illut normuinik B-normuinillu ersarissumut inissiisaqqullugit, tamannami tamanut pitsaanerpaammat.
Kommunip illup normuinik B-normunillu tunniussisarnera, akiligassiisarnera allallu pillugit paasissutissaataa uani alakkaruk.
Allattoq: Káte Hansen, khan@avannaata.gl