Kommunep pilersaarutaanut tapiliussaq una atorlugu teknikkeqarnermut atugassatut siunertalimmut sumiiffimmi nutaami pingaarnernik ersarissakkanillu aalajangersakkat toqqammavissinneqarput, Sumiiffiup ilaaq E13, siunissami mittarfiup qanittuani asfaltiliorfittut atugassanngorlugu.
Kommunemut pilersaarummut tapiliussaq nr. 30 piffissami 07.03.2022-miit 02.05.2022-mut tamanatu tusarniutigineqarpoq.
Kommunimut pilersaarummut tapiliussaq nr. 30
Kommunip pilersaarutaata tapiata siunertaa
Kommunep pilersaarutaata tapiliussartaata siunertaraa sumiiffiup ilaa E13 teknikkeqarnikkut siunertalinnut atornissaata aalajangersaaviunissaa, uani asfaltiliorfik pineqarluni, aalajangersakkanilu aalajangiullugu asfaltiliorfiup inissinnissaa annertussusissaalu, taamaasilluni qulakkeerneqarluni mittarfeqarfiup piumasaqaataa akor-nutitaqanngitsumik silaannartap angallaffissap ataqqineqarnissaa.
Kommmunimut pilersaarummut tapiliussaq sapaatip akunnerini arfineq-pingasuni sivisussuseqartumik tusarniutigineqassaaq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.
Tusarniutaasumut akissutit kommunep nittartagaanut toqqaannartumik nassiussinnaavat uunga: https://kommuneplania.avannaata.gl/tusarniaanerit-hoeringer/tusarniaanermut-akissut/ imalt. Mailikkut uunga: plania@avannaata.gl. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.
Tamaik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqassaaq.
Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 02.05.2022.