Ukiut 20-it sinnerlugit Ilulissani innuttaasut Royal Greenland rejefabrikianit illoqarfimmiittumit ajornartorsiutit utikattut ajornartorsiutigivaat. Ruujorinik kittorartoornerit arlallit, aamma fabrikkep eqqakkakkut aqqutaa - aamma imeq errortuutikoq, piffissap ingerlanerani avatangiisinut aamma illoqarfiup imeqarniarneranut ernumanartorsiortitsipput, kisianni ajornartorsiutit allat Ilulissani innutaasunut ingerlajuaannartutut isigineqarsinnaapput.
Imeq errortuutikup aqqutaa ersarittorujussuuvoq, tassami imerpalasut igitat takuneqarsinnaasut aamma aniaffiata nalaa imaq kusanaallisittarpaa, sarfaq apeqqutaalluni talittarfimmut aamma avannamut sineriak atuarlugu tissukarsinnaasarpoq. Imerpalasut igitat sineriak atuarlugu umiatsianullu kinninngortarpoq, tamannalu takornarianut angalasunut aamma innuttaasunut tamanut pakatsinarlunilu takussunarsinnaalluni. Kisianni ajornartorsiut eqqakkap tipeqarneranik aamma malunniussiinnaasarpoq.
Royal Greenlandip fabrikkia Ilulissaniittoq avatangiisinut inatsit naapertorlugu suliffeqarfittut mingutitsisupilussuartut nassuiarneqarsinnaavoq. Taamaattumik avatangiisinut tunngatillugu akuersissutigineqartarnera pillugu aamma kuutitsisinnaanermut akuersissut Namminersorlutik Oqartussat maleruaqqussaanut naapertorlugu anartarfiit imaannik aamma imermik errortuutikumik eqqaaneq.
Inatsit malinneqassappat, maannakkut Royal Greenland kuutsillugu piiaanermik kuutitsinissaminut Ilulissat fabrikkianit atuuttumik akuersissuteqanngilaq.
Killiffik suliniutillu ikiuutissat
Errortutikumik eqqaanerup ajornartorsiutigineqarneri ataatsimoortissagaanni suliffeqarfiup Klima - aamma avatangiisinut politikia uanilu suliffeqarfiup avatangiisaata qanittuanut sunniutaa akisussaaffialu, Ilulissani innutaasunut ukiorpassuarni ajoqutaanera naammaginanngilluinnartutut isigineqartariaqarput.
Avannaata Kommuniani naluneqanngilaq, kuutsillugu piaarnermi akuersissutissaq nutaaq suliarineqartoq, aamma qanittumi tusarniaatitsissutissanngorlugu nassiunneqartussaasoq, tassani Royal Greenland aamma Nunalerinermut Naalakkersuisoqarfik, Imminut pilersorneq, Nukissiuteqarneq aamma Avatangiisip ilaatigut piumasat aamma ikiuutissatut suliniutit mingutitsinermut ersittumut attuumassuteqartut oqaloqatigiinnerit ingerlasut.
Avannaata Kommunia tusarniaaneq pillugu tigusaqarnissaq qilanaarivaa, aamma Royal Greenlandip ajornartorsiummut aaqqiissutiginiagai ikiuutissatut suliniutissat, piumasat ukiut qulikkuutaat marluk innuttaasunut nassatarititsisimasut ajornartorsiutit kuutitsilluni piaanerup suliniutitut nalunanngitsumik unitsinneqassappat akuerivaa.