Avannaata Kommunia-ni isiginiarparput inuit inuunermik navianartumik nappaateqartut taakkulu ilaqutaasa ajunnginnerpaamik tapersersorneqarnissaanik periarfissiineq.
Assersuutigalugu qinnuteqarsinnaavutit immikkut angerlarsimaffimmi ikiortissamik imlt. Ilaquttanik ikiuuttussanik atorfinitsitsinikkut. Aamma ikiorsiinermi atortunik eqqortunik kiisalu najugarisavit naleqqussarnissaanut attartorsinnaavutit, taamaalilluni ulluinnaat ilinnut pisariinnerpaajunissaat pillugu.
Kommune-p aamma qulakkiissuaa piaartumik siusinaartumik sulisinnaajunnaarnersiutinik sullissineq, taamaalillutit aningaasatigut inissisimanerit ernummassutigissannginnakku.
Kikkulluunniit navianartumik nappaateqartut, ukiut qanorlu naliliiffigineqarsimaneq apeqqutaatinnagit ikiorneqarnissamik eqqortumik neqeroorfigineqassapput pineqartup kissaatai pisariaqartitaalu aallaavigalugit. Tassa meeqqat inersimasullu.
Kommunia-p ”Nakorsartinnerup nalaani pitsaassutsimut nalilersuutai, 2022” nalunaarpaa, qaqugukkut kommunip neqeroorutaanik assigiinngitsunik pissarsisoqarsinnaanersoq. Kommunalbestyrelse-p pingaartippaa inuit inuunermik navianartumik nappaateqartut piffissami kingullermi pitsaanerpaamik tapersersorneqarnissaat.
Piffissaq kingulleq – nakorsartinnerup nalaa – ingerlanneqassaaq susassaqartut akimut qanimut suleqatigiinnerisigut nakorsarneqarnerup pitsaanerpaamik ingerlanneqarnissaa siunertaralugu. Soorlu, peqqissaasut pulaartartut, nakorsat, ilinniartitsisut, inuit tapersersortit, suliamik ingerlatsisut, palasit kiisalu timigissaasut.
Ilaquttat suleqatigiinnermut pingaaruteqartuupput
Ilaquttat suleqatigiinnissamut pingaaruteqartuupput, taamaattumik innuttaasoq isumaqatigalugu, kikkut qanorlu attavigineqarnissaat ingerlanneqartassooq.
Innuttaasut amerlanerit kissaatigisarpaat ilaquttat/qanigisat, paaqqutarinnillutillu tungiuissasut tamannalu ilaqutaasunik amerlanertigut qujanartumik akuerineqartarpoq. Suliassaq oqimaassinnaasarpoq ilaquttamik piartortumik immikkullu pisariaqartitsisumik paaqqutarinnilluni. Taamaattumik eqqumaffigineqarportaaq ilaqutaasut aamma tapersersorneqarnissamik pisariaqartitsisarnerat.
Amerlanertigut piaartumik pisariaqartitsisoqartarmat, tapersersuisoqalernissaq suliniutigipallanneqassooq.
Angerlarsimaffimmi ikiortit aqutsisuata, angerlarsimaffimmi ikiorti ataatsimiititaliakkooqqaartinnagu aalajangiiffigisinnaavaa qaammat ataaseq angullugu ikiorteqarsinnaaneq.
Inuit inuunermik navianartorsiorlutik napparsimasut aamma periarfissaqarput immikkut angerlarsimaffimmi ikiorteqarsinnaallutik, atortunillu ikiorserneqarsinnaallutik, najukkamik allannguinermi kiisalu ilaqutaasut paarsinerminni ajunngitsorsiassaqartinneqarsinnaapput.
Piffimmi ilaqutariinnut sullissisoq aqqutigalugu sapiissutinik suliniutinillu qinnuteqartoqarsinnaavoq.
Kommunia-p ”Nakorsartinnerup nalaani pitsaassutsimut nalilersuutai, 2022” tamakkiisoq atuaruk.
