Teknikkimut Ataatsimiititaliap ulloq 10.juni 2022 Kommunimut pilersaarutaanut tapiliussaq nr. 33 sapaatit akunneri arfinillit tusarniaatigineqassasoq aalajangerpaa. Tusarniaanerup nalaani tusarniaanermi akissut tiguneqarpoq, allaqqasup oqaasertaliornerata eqqarsaatigeqqinnissaanut pissutissaqartoq, tassa innuttaasoq maanna sanasinnaatitaanini annaassanngikkaa Kommunimut pilersaarummut tapiliussaq nr. 33 immikkoortumut ILU1200-A10, „Jørgen Guldagerip Aqqutaa“ tunngatillugu naggataarutaasumik aalajangiussineq tunngavigalugu.
Kommunimut pilersaarummut tapiliussaq nr. 33 –mut siunnersuut iluarsaataq tamanut tusarniaanissaq pillugu saqqummiunneqarpoq, piffissami: 02.11.2022 - 16.11.2022 ilanngullugu.
Kommunimut pilersaarummut tapiliussaq nr. 33
Kommunip pilersaarutaata tapiata siunertaa
Kommunimut pilersaarummut tapiliussap 1. august 2022 qaangiuttup siunertaa taamanili allanngunngilaq. Taamaallaat allannguutaavoq oqaasertaliornerit uku ”Pingaarnertut aalajangersakkat” ataani immikkoortoq 7 imm. 1:
“Immikkuualuttulikkatut immikkoortoq A10.1-imi nutaanik sanaartornissamut periarfissanik atugassiisoqanngilaq. Immikkuualuttulikkatut immikkoortumi sanaartornerit taamaallaat illut pioreersut isaternerini, allanngortiternerini aamma ilassuteqarfiginerini pisinnaapput, taakku illuliaaqqaarsimasutulli toqqavimmik assingusumik naapertuutsitsissallutik. Illuliat quleriit pingasut tikillugit sanaartugaasinnaapput.”
Kommunimut pilersaarummut tapiliussaq sapaatit akunnerini marlunnik sivitsorneqarpoq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.
Tusarniutaasumut akissutit kommunip nittartagaanut toqqaannartumik nassiussinnaavat uunga: https://kommuneplania.avannaata.gl/tusarniaanerit-hoeringer/tusarniaanermut-akissut/ imalt. mailikkut uunga: plania@avannaata.gl. Aamma akissuteqaatit najukkanni Sullissivimmut imalunniit kommunimut nassiussinnaavat.
Tamanik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqarsinnaalissaaq.
Tusarniaanermut akerliussutissaqaruit imaluunniit oqaaseqaatissaqaruit taakku kingusinnerpaamik kommunimit tiguneqareersimassapput ulloq 16.11.2022.