Uummannami 60-t missaat takkussimapput, borgmester Palle Jerimiassen (AI) illoqarfimmi innuttaasunik aggersaammat.
”Ataatsimiigiarlutik takkuttunut tamanut qujanarujussuaq. Pingaaruteqarpoq qujanarlunilu, ineriartornermut sooqutiginnillutik taama amerlatigisut takkunneri, taamaalillutami ataatsimoorluta kommune-rput suli pitsaanerusunik najugaqarfiginissaa, inuuffiginissaa suliffiginissaalu pitsanngorsassagatsigu, borgmester Palle Jerimiassen (AI), Avannaata Kommunia, oqarpoq.
Oqaluuserineqartut ilaat oqaaseqarfigineqarlutillu apeqqutigineqartut tassaasimapput illoqarfinni nunaqarfinnilu inissaqarnikkut pitsanngorsaanissat, aammalu eqqagassat isumagineqarneri kiisalu qassutit qimaannakkat ajornartorsiutaaneri.
Sumiiffimmi namminersorlutik ingerlatsisut ilaanniik kissaatigineqarputtaaq, sumiiffimmi amminik tunitsiviusinnaasunik pitsanngorsaanerit.
Tusarnaariat marlussuit sianigeqquaat, siusinaartumik utoqqalinersiallinnut atugassarititaasut pitsaanngitsut kiisalu Uummannamiik angalasssutissat akiisa qaffasinneri. Angalassutissat akisunerisa kommune-p iluani avataanullu angalanissanut naligiinnginnerujussui kipungatitsilersartut.
Innuttaasunik ataatsimiisitsineq ingerlanneqarpoq, Avannaata Kommuniata Uummannami pingasunngorneq ulloq 12. juni 2024 ileqquusumik ataatsimiinneranut atasumik.
Kommunalbestyrelse-p ataatsimiinnerani oqaluuserisassat imaqarniliallu kommune-p nittartagaani takuneqarsinnaapput:
Kommunalbestyrelse-p qanittumik Uummannap ineriartornissaanut pilersaarut akuereqqammerpaa – uani nassaarineqarsinnaavoq: )
ILLOQARFIUP UUMMANNAP INERIARTORTINNEQARNISSAA
