Nangaasoqarpoq, aamma mittarfissap siunissaa pillugu assigiinngitsunik pissuteqartunik annilaagasoqarpoq – taakkununngali oqarusuppunga, qularutiginngilara tamatta suliniut upperigutsigu iluatsissasoq.
Uagut Avannaata Kommuniani tamassa piareersaatit suliarileruttorpavut, mittarfissap naammassinissaanut piareersimaniassagatta. Ilulissat avannaani ineriartortinneqarnissaanut periarfissat sulissutigaavut taamaattumik Ilulissat Avannaanut Ilusilersuinissamut pilersaarut suliarereerparput ilaatigut inuussutissarsiornermut tunngasut nutaanik inissaqartinnissaat pilersaarutaalluni, mittarfittaassap eqqaani umiarsualivik nutaaq, inissiat nutaat centereqarfissuillu hotellinik allanillu sanaartorfigineqarsinnaasut kiisalu mittarfiup tungaanut aqqusineq immikkut sanaaq.
Erngiinnaq, peqqissutsimut navianarunnaarpat, Namminersorlutik Oqartussat naapissavavut aaqqissuussinermut pilersaarusiaq saqqummiutissallutigu aamma angallanneq qanoq pitsanngorsarneqarsinnaanera pillugu oqallissisaavut, Mittarfissap atuutsilerneranut atatillugu arlalitsigut ineriartupiloornissaq naaperiarniarlugu. Taamaattumik Avannaata Kommunia sapinngisani tamaat Ilulissani Mittarfissap nutaap illoqarfimmut iluaqutaalluinnarnissaa sulissutigissavaa, kommunimut aammali Kalaallit Nunaannut tamanut.
Inussiarnersumik inuulluaqqusillunga
Med venlig hilsen
Palle Jerimiassen
Borgmester