Asasakka Avannaata Kommuniani innuttaasut,
Ulluni makkunani coronap tuniluunnerata annikinnerpaaffianiitinniarnerani, innuttaasut, maani najugallit tikeraallu, maleruaqqusanik naammagittarlutik malinnissimanerannut qujaffigerusuppakka.
Avannaani peqqinnissaqarfik ulluni makkunani annertuumik misissuinerit ingerlappaat, neriuppungalu innuttaasut misissortinnissamut periarfissat atorluarumaaraat. Neriuppunga suli amerlasuut ulluni tulliuttuni misissortikkiartorumaartut.
Pisortat maleruaqqusaat malillugit suli ataatsimoorfigisatsinnik mianersortariaqarpugut, inassuteqaatit uteqqikkusuppakka ukuusut:
- Qanermut assiaquteqarit
- Allat qanillinaveersaakkit aamma allat timikkut attornaveersaakkit
- Assappit asakulanissaat eqqaamajuk
- Angerlarsimaannarit tunillatsissimanermik ersiuteqaruit
Illoqarfiit, nunaqarfiit akornanni pisariaqanngitsumik angallannerup kiisalu kaffisortitsinerup ullorsiornerillu pinaveersaartinneqarnissaat kaammattuutigaara. Soorunami niiverniarnerit allallu pisariallit pissapput. Kalaaliusugut aasakkut asimiittarneq amerlasuusugut pinngitsoorsinnaanngilarput, taamaammat asimut angalaneq killilersorneqassanngilaq pisortalli maleruaqqusaat matumani eqqaamaneqassapput.
Avannaata Kommuniani utoqqaat illuini pulaaqqusaannginneq atuutilerpoq, inunnik isumaginninnermik sullissineq sapinngisamik oqarasuaatikkut ingerlanneqarallassapput. Ajornanngippallu kommunimut saaffiginninnerit oqarasuaatikkut aamma ingerlanissaat kaammattuutigaarput.
Akiuussutissamik kapuuineq suli ingerlavoq, oqaatingerusuppara pisortat akiuussutissamik kapitinnissamik inassuteqarnerat periarfissatut tingoqqullungu. Peqqinnissaqarfiup kommunillu quppernerani takuneqarsinnaavoq sumiiffinni assingiinngittuni qaqungulu akiuussusersuinerit ingerlanneqassasut.
Nualluutip tuniluuttup atupilunnginnissaannut peqqinnissaqarfinni, pisortani politiinilu sulisut sulinerulinnginnissaannut qulakkeerinneqataasumik, innuttaasut suli amerlanerusut akiuussuserneqarnissaat aammaarlunga kajumissaatigeqqikkusuppara.
Apeqqutaanerpaanngilaq tunillatsissimasut sumiinneri, pingaarnerpaavorli illoqarfimmiikkaanni nunaqarfimmiikkaani mianersornissaq, inunnullu qanippallaannginnissaq imaluunnit attuuteqattaannginnissaq.
Tamatta mianersorisa, tamatta paaraluta akisussaaffimmik tiguseqataasa.
Palle, borgmesteri