Ilulissani eqqagassalerineq kalluarneqalaartoq

- Illuinnarnit eqqagassalerineq pissusissamisoorpoq innarlerneqarsimananilu, taamaakkaluartorli niuertarfinnit, namminersorlutik inuussutissarsiortunit qimmiutilinnillu eqqagassalerinermi tulleriiaaraluta sullissisariaqaratta ajornartorsiorfiulaarpoq, Leif Mathiesen eqqagassanik ikuallaavimmi aqutsisoq oqarpoq.

Politiit eqqagassanik ikuallaavimmi qanoq sivisutigisumik misissuinissaat kialuunniit suli oqaatigisinnaanngilaa, tamannalu innuttaasunit eqqaamaqquneqarpoq.

- Taamaammat pingaartumik suliffeqarfiit, namminersorlutik inuussutissarsiutillit allallu killilimmik kiffartuunneqalersimasut ulluni makkunani politiit misissuineranni naammagittalaarnissaat kaammattuutigissavarput, Leif Løvstrøm Mathiesen erseqqissaavoq.

Allattoq: Káte Hansen, khan@avannaata.gl