Taamaattumik tapiliussaq una aqqutigalugu periarfissaqalerpoq qitiusoqarfimmik pilersitsinissamut, tassani avatangiiserineqassallutik minnerpaamik inissiat, sanaartugassanut 80%-sut, taakkua Hafnarfjurdorip Aqqutaata kangiani aamma Sisorarfiup kitaani inissineqassallutik.
Kommunimut pilersaarummut tapiliussap ilanngullugu qulakkiissavaa qimussit aqqutaani taakkununnga atugassanik nunaminertaqarnissaa, kiisalu Hafnarfjurdorip aqqutaani aqquserngit paarlagiaanni isikkiveqarnissaq.
Kommunimut pilersaarummut tapiliussaq nr. 31, ILU1200-C28 tamanut tusarniutigineqarluni saqqumiunneqassaaq pississami: 11.3.2022-miit 6.5.2022-mut.
https://kommuneplania.avannaata.gl/media/4073/forslag-til-kommuneplantillaeg-nr-31.pdf
Kommunimut pilersaarummut tapiliussap siunertaa
Kommunimut pilersaarummut tapiliussami siunertarineqarpoq immikkoortumi illoqarfimmi qitiusoqarfimmik inissianik ilalimmik pilersitsinissaq.
Sanaartorfissanik arfinilinnik ersarinnerusunik aalajangersagaqartunik ilallugit pilersitsisoqassaaq, tassani periarfissaqalissalluni qitiusoqarfimmik tallimanik quleriilinnik pilersitsinissaq – aamma immikkoortoq najugaqarfittut siunertaqassalluni.
Immikkoortoq kommunip pilersaarutaani immikkoortunut pingasunut ilaavoq – immikkoortoq A13 pukitsunik inissianik sanaartorfiussalluni kiisalu immikkoortoq D11 sanaartorfiussanani.
Kommunimut pilersaarummut tapiliussaq sapaatip akunnerini arfineq pingasuni tusarniutigineqassaaq. Pississami tassani inuttaasut, suliffeqarfiit, pisortaqarfiit kikkulluunniit, il.il akerliusinnaallutik oqaaseqaateqarlutik allannguutissatulluunniit siunnersuuteqarlutik.
Tusarniutaasumut akissut kommunip nittartagaanut toqqaannartumik nassiussinnaavat uunga: https://kommuneplania.avannaata.gl/tusarniaanerit-hoeringer/tusarniaanermut-akissut/ imaluunniit mail atorlugu: plania@avannaata.gl-mut nassiussinnaallugu.
Tamaik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqassaaq. Tusarniummut akerliuguit oqaaseqaateqassaguilluunniit kingusinnerpaamik 6.5.2022 tunniunneqareersimassaq.
