Kommunip pilersaarutaanut tapiliussap siunertaa
Pilersaarummi isumagineqarput inissialioriaatsit assigiinngitsut, assersuuti-galugu inissiat uiguleriit, ilaqutariinnut ataatsinut illut, inissiallu quleriiaat. Tamatuma saniatigut illoqarfiup iluani qitiusoqarfinni pilerinartuni asser-suutigalugu inissiat niuertarfiillu qanoq pilersinneqarsinnaanersut misissua-taarneqarput. Matumani tassa pineqarpoq illoqarfiup pioreersup iluani, aqqusinermut qanittumi, atortulersuutillu soorlu kuuffiit, innaallagissap assi-gisaasalu qanittuanni.
Pilersaarusiornermi qissimagaarneqarportaaq, illoqarfiup pioreersup iluani inissialiorfissanik nutaanik pilersitsiniarnerup atortulersuutinut qimmilivin-nullu pioreersunut qanoq sunniuteqarsinnaanera.
Pilersaarummi immikkuualuttunut pituttuisoqanngilaq, matumali pilersaaru-tip siunertariinnarpaa siunissamut periarfissat takorluukkallu kittaartumik atuutsinneqaleriartorsinnaasut.
Ilulissat illoqarfiata iluani inissialiorfissat nutaat pillugit pilersaarut sap. ak. arfineq pingasuni tamanut tusarniutigineqarpoq. Piffissami tassani kikkul-luunniit – innuttaasut, suliffeqarfiit, institutionit, peqatigiiffiit il.il. – akerli-liisinnaapput, oqaaseqaateqarsinnaallutik allannguutissatulluunniit siunner-suuteqarsinnaallutik.
Tusarniutaasumut akissutit kommunip nittartagaanut toqqaannartumik nassiussinnaavat uunga: https://kommuneplania.avannaata.gl/tusarniaanerit-hoeringer/tusarniaanermut-akissut/ imalt. mailikkut uunga: plania@avannaata.gl. Aamma akissuteqaatit najukkanni Sullissivimmut imalunniit kommunimut nassiussinnaavat.
Tamanik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqarsinnaalissaaq.
Tusarniaanermut akerliussutissaqaruit imaluunniit oqaaseqaatissaqaruit taakku kingusinnerpaamik kommunimit tiguneqareersimassapput ulloq 22.08.2022.
