Kommunimut pilersaarummut tapiliussassaq suliarineqarpoq tamaani ineqarfiit pingasut nunap immikkoortuanut C6-imut ataatsimoortikkusullugit. Taamaaliornikkut immikkoortortaq A33 ataatsimut pisariinnerusumik aqunneqarsinnaaqqullugu.
Tusarniaaneq kommunip sivitsorpaa kikkut tamarmik oqaaseqarsinnaanissaat qulakkeerumallugu.
Kommunimut pilersaarummut tapiliussap siunertaa
Nunap immikkoortuani nutaami (nunap immikkoortui pioreersut ataatsimut eqikkarneranni) maleruagassat aalajangersassallugit illunik amerlanerusunik sanasoqarsinnaalersillugu aammalu institutionit/utoqqaat illua allineqarsinnaalersillugit, kiisalu inissiat assigiinngitsunik siunertallit sananeqarsinnaalersillugit.
Pilersaarutip siunertaraattaaq nutaanik illuliornissaq periarfississallugu, Ilulissani illunik qanoq ittunilluunniit amingaateqartoqarnera pissutigalugu.
Tusarniaanermut atatillugu oqaaseqaatigiumasatit kommunip pilersaarutit pillugit nittartagaanut toqqaannartumik nassiussinnaavatit: (https://kommuneplania.avannaata.gl/tusarniaanerit-hoeringer/tusarniaanermut-akissut/) imaluunniit mail-imik uunga nassiussillutit plania@avannaata.gl.
Oqaaseqaatitit aamma najugarisanni Sullissivimmut tunniukkiartorsinnaavatit kommunimulluunniit nassiullugit.
Tusarniaaneq naammassippat oqaaseqaatit, akerliliinerit allannguutissatulluunniit siunnersuutit Kommunalbestyrelsimi suliarineqassapput, siunnersuullu inaarutaasumik aalajangiiffigineqassalluni.
Akerliliissuteqarniaruit oqaaseqaateqarniaruilluunniit kommunimut apuussereersimassaatit kingusinnerpaamik 27.07.2023.
Siunissami sanaartugassat pillugit siunnersuutit 3D-mi titartakkami takusinnaavatit uani: https://bit.ly/KPT39A33
