- siusinaartumik pensionisiaqalernissamut aaqqiissutit
- utoqqalineq pissutigalugu pensionisianik aaqqiissutit
- Ineqarnermut tapiissutit
- meeqqannik pinngitsaaliissumik inissisoqartillugu
- pisortanik ikiorsiissutinik naatsorsuinerit
- innarluuteqarneq pillugu ikiorneqarnissamik qinnuteqarnermi itigartitaaneq
Aammattaaq naammagittaalliutigisinnaavatit aalajangiussat, aalajangerneqarsimasut Ilaqutariinnermut Inatsisinillu Atuutsitsinermut Naalakkersuisoqarfimmiit.
Ullut piffissaliussat
Eqqumaffigissavat aallaavittut allakkat aalajangiussat ullulerneqarfianiik sapaatit akunneri arfinillit qaangiutsinnagit naammagittaalliuteqassagavit. Tamannalu kisimi atuuppoq, kommunip naammagittaalliuteqarnissamik siunnersorsimappatit.
Naammagittaalliuuteqarneq
Naammagittaalliuteqarniaruit, imaaliorsinnaavutit:
- naammagittaalliuummik immersuiffissaq immersorlugu. NemID-mik peqaruit, naammagittaalliuteqarnissamut immersuiffissaq toqqaannartumik attaveqaatitigoortumik nassiussinnaavat
- allakkamik allallutit
- e-mail-imik allallutit
- sianerlutit
Isumaginninnermi Naammagittaalliuteqartarfiup suliamik suliarinninnerminut iluaqutigissavai, uku ilanngullugit nassiukkukkit:
- allakkatigut aalajangiussaq
- takussutissalluunniit allat kommuniminngaanneersut
Isumaginninnermi Maalaaruteqartarfiup aalajangigai inaarutaasumik aalajangiinerusarput, taamaattumillu allaffissornikkut ingerlatsisunut allanut ingerlateqqinneqarsinnaanatik.
Aalajangiussat eqqartuussivimmut saqqummiunneqarsinnaapput.
Malugiuk
Isumaginninnermi Naammagittaalliuteqartarfiup nittartagaa atorlugu sukumiinerusumik atuarsinnaavutit aua.gl/ka/isumaginnittoqarneq/. Nittartakkamittaaq nassaarisinnaavatit tunngaviusumik aalajangiussat, Isumaginninnermi Naammagittaalliuteqartarfiup aalajangigai, kommunillu Kalaallit Nunatsinniittut malitassaat.